Зборот рандеву ретко ќе го чуете или прочитате денес. Сепак, самиот збор се пробива на површината на некое списание, книга или излетува од устата на некој заљубен пар. Иако често се поврзува со љубовни врски, рандеву значи средба.

Средба не звучи толку романтично колку рандеву. Можеби затоа што не е на француски или затоа што е секојдневна работа. Често се среќаваме со пријатели и роднини во кафуле или ресторан. Со колеги седнуваме на ручек, ама и на состанок на работа. Накратко, средбата може да е формална, но и не толку формална.

Способноста на зборот средба да слее различни работи се едначи со способноста на работното место да биде и да не биде толку „работно“. Постарите сфаќања за работата подразбираат тешки услови во канцеларија и на терен. Старите канцеларии вродуваат немило чувство кај вработените кои едвај чекаат да заврши работното време. Продуктивноста е на ниско ниво бидејќи луѓето не можат да се опуштат на работното место. Работата се завршува со мака или на сила, но дали се завршува ефективно?

За среќа, старите сфаќања за работење полека си заминуваат. Новите канцеларии имаат нов лик – лик што потсеќа на пријатно и опуштено место. Таквото место ги пленува вработените со своето уредување и слобода да ги завршат работните задачи во свое време, на свој начин и со свое темпо. Кога не доаѓаат згрчени на работа, вработените можат лагодно да мислат и мислите да ги преточат во ефективни и креативни решенија. Кога сите се сплотени во место каде можат да струјат разни идеи, задачите стануваат пријатни обврски.

Идејата за поопуштена канцеларија се зачнала во умовите на креативците од Seadus и прераснала во нов феномен наречен канцеларија Рандеву. Ваквото уредување на работен простор станал реалност, реалност која компанијата го претстави на ORGATEC 2024, најпознатиот меѓународен саем за канцелариски мебел. Како учесници на саемот имавме прилика да го разгледаме ваквото уредување, кое може да се види и преку виртуелна прошетка.

Со канцеларијата Рандеву вработените добиваат простор за работа, место за спонтани средби и средина за професионална соработка, продуктивност и иновација. Концептот Sedus Smart Café е темелот на идејата за работно рандеву. Sedus Smart Café се заснова на биофиличкиот дизајн кој вметнува елменти од природата на работното место. Со други зборови, кога си во канцеларијата Рандеву се чувствуваш како да си на кафе во парк или во кафуле.

Опуштената работна средина ги олеснува интеракциите помеѓу колегите и создава работно-дружбена заедница. Хибридната канцеларија станува хибриден секојдневен простор што се приспособува на начинот на работење на луѓето. Можат да работат сами во тивко катче, да се соберат за состанок или brainstorming, да бидат дел од тимски напор за изнаоѓање решенија, па дури и да направат пауза со некое кафе и цеден сок.

За вакво уредување се потребни низа производи кои Seadus ги покажа на саемот, а ќе бидат достапни во нашиот асортиман од јануари 2025 година. Подолу можете да ги видите и да прочитате како можат да го променат вашиот работен простор.

Se: Café Soft Chair

Како што налага името, Se: Soft Chair е мека столица која овозможува удобно работење. Достапен е во неколку модели како Se: Lounge Chair, фотелја со потпори за рацете за комотно работење или паузирање, и Se: Soft Stool, која е повисока варијанта и идеална придружба за шанк или висока маса.

Se: Café Wooden Chair & Lounge Chair

Безвременскиот дизајн на Se: Café Wooden Chair му помага да се вклопи во секаков работен простор. Врвната изработка од дрво му дава природна нијанса на ентериерот. Достапен е во светлокафена, темнозелена, темносина, темноцрвена и црна боја. Има разни материјали за тапацирот што даваат посебна текстура на столицата.

Se: Café Bench

Se: Café Bench е клупа која ќе ја разоноди вашата канцеларија. Достапна е во три верзии. Првата е без потпора, втората е со грбна потпора, а третата е со грбна потпора и странична преграда. Тапацирот го има во неколку бои за да се вклопи во вашиот простор.

Se: Café Team Table

Со Se: Café Team Table целиот тим може да се збере на една маса. Дрвната изработка посочува на едноставна маса, но нејзините додатоци ја прават необична. Под плочата се наоѓаат неколку приклучоци кои служат како полначи за мобилни телефони, лаптопи, компјутери и други уреди. Масата е достапна во различни димензии и може да собере до 14 луѓе. На плочата може да се додаваат елементи на трето ниво.

Se: Café Bar

Со Se: Café bar можете да го промените изгледот на вашето работно кафуле. Кафе-барот е станица за пауза и спонтани средби во опуштена атмосфера. Сетот ги содржи сите потребни елементи на едно кафуле како маса за пијалоци, чување храна, миење, и чување прибор за јадење.

Se: Lab Island

Se: Lab Island е необична маса која се вклопува во секојдневниот работен ентериер. Придружена е со странични шипки кои се споени паралелно над масата. На тој дел можат да се прикачат саксии, светилки и други уреди. Страните можат да се украсат со растенија и содржат приклучоци на кои може да се приклучат разни уреди. Достапна е како маса за седење, но и маса на која може да се работи исправено.

Se: Hive

Se: Hive му овозможува на секој вработен да работи самостојно, но и да биде достапен за другите. Hive е преграда достапна за една, две или три лица. Може да се намести во облик на квадрат или саќе. Преградите можат да се приспособат за работење на нога или во седечка положба. Сите верзии на преградата има вклучена маса, а може да се приклучат и други додатоци.

Se: Mission

Se: Mission е канцелариско столче со топол и пријатен изглед. Може лесно да се вклопи во која било канцеларија или сала за состаноци. Достапна е во неколку бои и три верзии. Трите верзии се разликуваат по должината на грбната потпора.

Se: Vision Desk & Storage

Со Se: Vision Desk & Storage се добива работна маса и елемент со фиоки за разни намени. Масата е елегантна и примамлива работна површина. Ногарките од десната страна се скратени за да се прикачи делот за изложување и складирање уреди, документи, и други додатоци. Масата е достапна со и без делот за складирање.

Quarterback 2

Класичната столица Quarterback доаѓа во нов облик. Втората верзија на оваа столица нуди безвременски дизајн и удобност во секоја варијанта.

Se: Assist Update

Se: Assist Update е повеќенаменска маса која може да послужи како биро или маса во работниот кафе-бар. Достпана е во неколку димензии како маса покрај која може да се седне или да се работи исправено. Плочата може да биде кружна, правоаголна и долгнавеста.